তেজমুই, টেঙেচি আৰু চালকুঁৱৰীৰ ঔষধি গুণ
তেজমুই
তেজমুই হৈছে লতাচানেকীয়া এজোপা কাঁইটীয়া গছ।
ঔষধি গুণঃ
(১)
ইয়াৰ ঠাৰিৰে দাঁত মাজিলে দাঁত ভালে থাকে। (2) কষ্টকৰ ঋতুস্ৰাৱ বা বাধক
বেদনা উপশম কৰিবলৈ তেজমুই ছালৰ ৰসৰ লগত মৌ মিহলি কৰি খাব লাগে। (৩)
ফেৰেণজাইটিচ হ'লে ইয়াৰ ছালৰ ৰসেৰে কুলকুলি কৰিলে ভাল
টেঙেচি
টেঙেচি এবিধ মাটিত বগাই যোৱা তৃণজাতীয় উদ্ভিদ। ই সাধাৰণতে জেকা বালিচহীয়া মাটিত হয়।
ঔষধি গুণঃ
(১)
টেঙেচি বটি বেচু (Eczema) হোৱা ঠাইত লগালে সুফল পোৱা যায়। (২) টেঙেচি
পাতত দি খালে স্মৃতিশক্তি প্ৰখৰ হয়। (৩) চিকাই কামুৰিলে টেঙেচিৰ ৰস খাব
লাগে। (৪) টেঙেচিৰ ৰসে স্নায়ু সবল কৰে। (৫) গ্ৰহণী, কুষ্ঠ ৰোগত ই সুপথ্য।
ছালকুঁৱৰী
ছালকুঁৱৰী সাধাৰণতে শুকান আৰু উষ্ণ অঞ্চলত জন্মা এবিধ ৰসাল গা-গছৰ ঔষধি গছ। যিকোনো ধৰণৰ টাব অথবা মাটিৰ পাত্ৰত ই সহজে হয়।
ঔষধি গুণঃ
(১)
ছালকুঁৱৰী মানুহৰ বিভিন্ন প্ৰকাৰৰ উদৰ ৰোগ , মুত্ৰদোষ, শুক্ৰ দোষ, ক্ৰিমি
আদি বেমাৰত ব্যৱহাৰ কৰা হয়। (২) টাইফয়ড, নিউমোনিয়া আদিত জ্বৰৰ প্ৰকোপ
কমাবলৈ ছালকুঁৱৰী বটি মূৰত ভৰণ হিচাবে দিয়া হয়। (৩) অৰ্শ, জুয়ে পোৰা ,
মোচোকা খোৱা আদিতো ছালকুঁৱৰী বটি প্ৰলেপ দিলে যথেষ্ট উপশম হয়। (৪)উচ্চ
ৰক্তচাপ, বায়ুৰোগ আৰু মূৰৰ বিষতো ছালকুঁৱৰীৰ প্ৰলেপ দিলে উপকাৰ হয়।
তলত তেজমুই, টেঙেচি টেঙা আৰু ছালকুঁৱৰীৰ চিত্ৰ দিয়া হ'ল-
No comments:
Post a Comment